ٹوکیو،24؍اگست(ایس او نیوز ؍آئی این ایس انڈیا)اولمپک پرچم آج ٹوکیو پہنچ گیا جس کے ساتھ جاپان کے دارالحکومت نے 2020اولمپک کھیلوں کی میزبانی کے لئے کمر کس لی ہے اور ریو 2016کھیلوں میں اتار چڑھاؤ کے بعد حکام نے وعدہ کیا کہ اگلا کھیل بغیر کسی مسئلے کے ہوگا۔ٹوکیوکی گورنریرکوکوکے برازیل کے میزبان شہر سے اولمپک پرچم لے کر شہر کے ہادیکا ہوائی اڈے میں تقریب میں پہنچی۔یرکو نے لوگوں سے کہاکہ میں اگلے اولمپک گیمز کے لئے بڑی ذمہ داری محسوس کر رہی ہوں۔انہوں نے کہاکہ مجھے خوشی ہے کہ ہم50سال سے بھی زیادہ عرصے بعدپرچم کوواپس لا پائے۔ٹوکیو نے اولمپکس کی میزبانی آخری بار1964میں کی تھی۔